دہلی میٹرو میں یومیہ 50 لاکھ سفر

دہلی میٹرو میں گزشتہ ہفتے پیر سے جمعہ تک روزانہ سفر کرنے والے مسافروں کی اوسط تعداد 50.13 لاکھ رہی ہے اور کل پیر کے روز 58.36 لاکھ لوگوں نے میٹرو سروس کا استعمال کیا ہے۔

دہلی میٹرو کے ترجمان نے منگل کو ایک بیان میں کہا کہ مسافروں کی بڑھتی تعداد ظاہر کرتی ہے کہ دارالحکومت میں لوگوں کی آمد و رفت کا پسندیدہ ذریعہ میٹرو ہی ہے۔

اس سے پہلے دہلی میٹرو میں 22 ستمبر 2019 کو 62.99 لاکھ لوگوں نے ایک ہی دن میں سفر کرکے ایک ریکارڈ بنا دیا تھا۔