ہائی کورٹ نے اس معاملے میں سی بی آئی تحقیقات کا حکم دیا ہے۔
جسٹس رویندرا میتھانی نے ایک حکم جاری کرتے ہوئے کہا کہ اس کیس سے متعلق تمام دستاویزات کو کورٹ میں پیش کیا جائے۔
امیش شرما نامی ایک صحافی نے ہائی کورٹ میں ایک اپیل دائر کی تھی کہ سوشل میڈیا پوسٹ کی بنیاد پر ان کے خلاف درج مقدمے کو منسوخ کیا جائے۔
اس پوسٹ میں مبینہ طور پر الزام عائد کیا تھا کہ ایک شخص نے نوٹ بندی کے دوران اتراکھنڈ وزیر اعلی ترویندر سنگھ راوت سے تعلق رکھنے والے ہریندر سنگھ راوت اور ان کے اہلیہ کے اکاؤنٹ میں وزیر اعلی کے فائدہ کے لیے رقم جمع کروائی تھی۔ سوشل میڈیا کے اس پوسٹ میں بینک اسٹیٹ مینٹ بھی اٹیچ کیا گیا تھا۔
ہریندر سنگھ نے 31 جولائی کو دہرادون پولیس اسٹیشن میں صحافی کے خلاف ایک کیس درج کروایا جس میں صحافی پر بلیک میل کا الزام عائد کیا گیا۔ ہریندر سنگھ نے دعوی کیا کہ تمام الزامات جھوٹے اور بے بنیاد ہیں۔
جسٹس میتھانی نے صحافی کے خلاف ایف آئی آر کو منسوخ کردیا اور اس پورے معاملے میں سی بی آئی تحقیقات کا حکم جاری کیا۔
