اتراکھنڈ: مہنگائی اور بےروزگاری کے خلاف کانگریس کا احتجاج

ریاست اتراکھنڈ کے کانگریس کارکنوں نے بڑھتی مہنگائی اور بے روزگاری کی وجہ سے وزیراعظم نریندر مودی کا پتلا نذر آتش کیا اور ان کے خلاف جم کر نعرے بازی بھی کی۔

ریاستی دارالحکومت سمیت ضلع اُدھم سنگھ نگر کے کانگریس کارکنوں نے ملک میں بڑھتی ہوئی مہنگائی اور گیس سلینڈر پر 144 روپے کے اضافے کے خلاف شدید احتجاج کیا۔ اس مظاہرے میں کانگریس کارکنوں نے مرکزی حکومت کے خلاف نعرے لگاتے ہوئے ریاست کے تمام شہریوں میں زبردست احتجاج کیا اور وزیراعظم مودی کا پتلا نذر آتش کیا۔

اس دوران کانگریس کے رہنما سندیپ سہگل نے کہا کہ بی جے پی حکومت ترقی کے نام پر ملک کے عوام کو مہنگائی کے تحائف دے رہی ہے اور بی جے پی حکومت دشمن پالیسیاں نافذ کرکے اور غلط قوانین لا کر عوام کو سڑکوں پر اترنے پر مجبور کر رہی ہے۔