سب ڈویژنل پولیس افسر کمار اندر پرکاش نے اس تعلق سے مزید معلومات دیتے ہوئے کہاکہ'رام نگر گاﺅں کے وارڈ نمبر پانچ کی رہنے والی دلاری دیوی کے بیٹے پھولو صدا نے مائیکرو فائنانس کمپنی سے 25 ہزار روپے کا قر ض لیا تھا۔
جس کی ماہانہ قسط کی رقم ادا نہیں کرنے سے مشتعل ملازم نے اپنے چھ دیگر ساتھیوں کو بلایا، اس کے بعد سبھی نے پھولو اور اس کی ماں دلاری دیوی کے ساتھ مار پیٹ شروع کردی۔ اس واقعے میں دلاری دیوی کی موقع پرہی موت ہوگئی۔ واقعہ سے مشتعل گاﺅں والوں نے فائنانس کمپنی کے سبھی سات اہلکاروں کو یرغمال بنالیا۔
سب ڈویژنل پولیس افسر نے بتایاکہ' ملازمین کو یرغمال بنائے جانے کی اطلاع ملتے ہی ان کی قیادت میں پولیس فورس موقع پر پہنچی اور ملازمین کو گاﺅں والوں سے آزاد کرایا۔ اس کے بعد لاش پوسٹ مارٹم کے لئے صدر اسپتال بھیج دی گئی ہے۔ انہوں نے بتایاکہ' اس سلسلے میں ایف آئی آر درج کر کے سبھی سات ملزمین کو گرفتار کرلیا گیا ہے'۔
