ریاست بہار کے دربھنگہ ضلع کے پولو میدان سے 'جل جیون ہریالی' منصوبہ کے تحت ریاست گیر سطح پر بننے والی انسانی زنجیر کو کامیاب بنانے کے لیے موٹر سائیکل ریلی نکالی گئی۔
اس موٹر سائیکل ریلی کو کلکٹر دربھنگہ تیاگ راجن ایس ایم نے ہری جھنڈی دکھا کر روانہ کیا، اس موٹر سائیکل ریلی میں سیکڑوں کی تعداد میں دربھنگہ ضلع کے استاذہ اور عوام نے شرکت کی۔
موٹر سائیکل ریلی دربھنگہ کے پولو میدان سے نکل کر دربھنگہ کے مختلف چوک چوراہوں سے گزر کر واپس اسی پولو میدان میں اختتام پزیر ہوئی۔
اس موقع پر ای ٹی وی بھارت سے گفتگو کرتے ہوئے دربھنگہ کے کلکٹر تیاگ راجن ایس ایم نے کہا کہ 'جل جیون ہریالی' منصوبہ کو لیکر 19جنوری 2020 کو دربھنگہ میں بڑے پیمانے پر انسانی زنجیر بنائی جائے گی۔
انہوں نے کہا کہ اس ریلی کو کامیاب بنانے کے لیے ہم سبھی تحصیلوں میں جاکر عوام اور سیاست دانوں سے رابطہ کر رہیں ہیں اور اس مہم کے تعلق سے بیدار کر رہے ہیں۔
انہوں نے مزید کہا کہ ضلع انتظامیہ کے بینر کے تحت ہر ممکن تشہیر و تبلیغ جاری ہے اور بینر، پوسٹر و پلے کارڈ کے ذریعہ عوام کو بیدار کیا جارہا ہے۔
انہوں نے کہا کہ زمینی تاسیس کے موقع پر پورے بہار میں تقریبا251 کڑور درخت لگائے جائیں گے، دربھنگہ میں بھی تقریبا دس لاکھ درخت لگائے جائیں گے۔
