لوک جن شکتی پارٹی کے بانی و سابق مرکزی وزیر آنجہانی رام بلاس پاسوان کا ایک ہی خواب تھا کہ بھارت کے ہر غریب کے گھر میں روشنی ہو، وہ کہتے تھے میں اس گھر میں روشنی جلانے چلا ہوں جہاں صدیوں سے تاریکی ہے، اب ان کے اس خواب کو ہماری پارٹی کے قومی صدر چراغ پاسوان لے کر آگے بڑھے ہیں، انہوں نے نعرہ دیا ہے بہار فرسٹ بہاری فرسٹ، اور اسی نعرے کے ساتھ ہم آگے بڑھ رہے ہیں۔
محمد عظیم نے کہا کہ نتیش کمار نے جس طرح سے چراغ پاسوان پر ذاتی حملہ کیا ہے وہ افسوسناک ہے۔ ہم پوری مضبوطی کے ساتھ نتیش کمار کے خلاف انتخاب لڑیں گے اور جیت درج کریں گے۔ اقتدار میں اگر دوبارہ سے نتیش کی واپسی ہوتی ہے تو ایل جے پی اس اتحاد کا حصہ نہیں بنے گی یہ ہمارے قومی صدر کا واضح فیصلہ ہے۔
انہوں نے کہا کہ ارریہ میں ہمارے امیدوار مضبوط پوزیشن میں ہیں، بڑی تعداد میں لوگوں کی حمایت مل رہی ہے، یہاں کی عوام چراغ پاسوان کی بہار فرسٹ بہاری فرسٹ سے کافی تعداد میں جڑ رہی ہے۔ اس موقع پر ایل جے پی امیدوار ببن سنگھ، ضلع صدر ستیش پاسوان،منیش پاسوان وغیرہ موجود تھے۔
