دربھنگہ: سخت حفاظتی انتظامات کے دوران ووٹنگ جاری

بہار میں پنچایت انتخابات کے ساتویں مرحلے کے لئے رائے دہندگان صبح سے ہی اپنے رائے حق دہی کے استعمال کے لئے لائن میں کھڑے دیکھے گئے۔ دربھنگہ میں رائے دہندگان کے اندر جوش و خروش دیکھا گیا۔

دربھنگہ: ریاست بہار کے ضلع دربھنگہ کے جالے بلاک اور کیوٹی بلاک میں پنچایت انتخاب کے ساتویں مرحلہ سخت حفاظتی انتظامات کے بیچ صبح سات بجے سے رائے دہندگان ووٹنگ کر رہے ہیں، جالے بلاک کے کل 26 پنچایت کے 361 پولنگ مراکز اور کیوٹی بلاک کے کل 304 پولنگ مراکز پر ووٹروں کی ووٹنگ رائے دہندگان کر رہے ہیں، واضح رہے کہ دربھنگہ ضلع کے کیوٹی بلاک اور جالے بلاک میں کئ پنچایت مسلم ووٹر زیادہ ہیں۔

آج ہونے والے وؤٹنگ کی گنتی 17 نومبر کو دربھنگہ ضلع کے بازار سمیتی واقع کاونٹنگ ہال میں ہوگی۔

ووٹنگ کے دوران دربھنگہ ضلع کے کیوٹی بلاک کے جلوارا پنچایت میں ای ٹی وی بھارت سے ارمانہ کے آفرین پہلی بار اپنے ووٹ کا استعمال کرنے پہنچی نے کہا کہ ان کے پنچایت میں جل نل سے کبھی پانی آتا ہے، کبھی نہیں آتا ہے۔ پکی سڑک تو ہے لیکن آج بھی کئی جگہ راستے نہیں بنے ہیں، میں چاہتی ہوں کہ جو بھی مکھیا بنے وہ سبھی کو ساتھ لیکر کام کرے۔

وہیں اس دوران کیوٹی بلاک اور جالے بلاک میں پنچایت انتخابات کی نگرانی کر رہے صدر ایس ڈی ایم اسپرس گپتا نے کہا کہ صبح سات بجے سے ووٹنگ سخت حفاظتی انتظامات کے بیچ پر امن ماحول میں ہو رہا ہے۔