دربھنگہ کے ٹاؤن تھانہ کی پولیس نے عوامی دوستی کی مثال قائم کرتے ہوئے اتوار کی دیر شب ایک شخص کے تین سالہ بچے سوریہ چودھری کے یوم پیدائش کے موقع پر کیک اور گفٹ دے کر بچے اور ان کے اہل خانہ کو خوش کردیا، پولیس کی اس قدم کی چاروں جانب تعریفیں ہورہی ہیں۔
ویڈیو
دربھنگہ کے بھٹیاری سرائے محلے کے باشندہ سنجیت پیشے سے ڈرائیور ہیں۔ وہ اپنے تین سالہ بچے کے یوم پیدائش پر کافی خوش تھے لیکن لاک ڈاؤن کی وجہ سے گفٹ اور کیک لانے کے قابل نہیں تھے، اس کی خبر جب ٹاؤن تھانہ انچارج جے نندن کو معلوم ہوا تو انہوں نے سوشل ڈسٹینس کے ساتھ سنجیت کے گھر پہنچ کر بچے کو کیک اور گفٹ دے۔ مزید پولیس اہلکاروں نے بچے کے ساتھ ان کی یوم پیدائش کا جشن بھی منایا، اس موقعے پر بچے نے خوشی سے نغمہ بھی گایا۔
