ریاست بہار کے ضلع دربھنگہ میں انصاف منچ کے کارکنوں نے انصاف منچ کے نائب صدر نیاز احمد کی قیادت میں دربھنگہ رینج کے کمشنر دفتر کا گھیراؤ کیا۔
انصاف منچ کے کارکنان نے مطالبہ کیا کہ' ضلع کے سنگھوارہ تھانہ علاقے کے کیس نمبر 95/20 محمد ناظم کے قتل کے نامزد ملزم رادھے شیام کو جانچ کے دائرے میں لانے، فرضی مقدمہ سمری تھانہ کیس نمبر 116/20 کو واپس لینے، سمری تھانہ انچارج کی شراب مافیا کے ساتھ تال میل کی چھان بین کرنے، خاتون تھانہ کیس نمبر 20/20 کی مدعی کے جان کی حفاظت کی گارنٹی کرنے کی مانگ سے متعلق درخواستیں کمشنر دربھنگہ رینج کو دیا۔
وہیں اس موقع پر نیاز احمد نے کہا کہ' محمد ناظم کے قتل کے معاملے میں پولیس بی جے پی کے رکن پارلیامان کے دباؤ میں کام کر رہی ہے جبکہ ہلاک شخص کے والد بار بار پولیس سے فریاد کر رہے ہیں کہ ان کے بیٹے کا قاتل ملزم رادھے شیام یادو ہے، لیکن دربھنگہ پولیس سازش کو انجام دینے والے اہم ملزم رادھے شیام کو بچانے میں لگی ہوئی ہے اسے جانچ کے دائرے میں نہیں لاتی ہے۔
