ریاست بہار کے ضلع گیا کے باشندوں کو آج کل بریلی کے جھمکے کی طرح بریلی کا گجک 'ریوڈی سموسا' بھی خوب پسند آرہا ہے۔
خیال رہے کہ تلکٹ کی طرح ہی یہ بنتا ہے اور اس میں بھی تل کا استعمال ہوتا ہے، فرق یہ ہے کہ اس میں کھوئے کا بھی استعمال ہوتا ہے اور سردی کے موسم میں بریلی سے درجنوں افراد یہاں پہنچ کر پھیری کرکے فروخت کرتے ہیں۔
گیا کا تلکٹ ملکی سطح پر مشہور ہے اسی ضمن بریلی کے گجک کا ذائقہ بھی گیا کے لوگوں کو خوب پسند آ رہا ہے، یہی وجہ ہے کہ بریلی کے درجنوں لوگ ان دنوں گیا کی سڑکوں پر گجک بیچتے نظر آرہے ہیں، جو یہ لوگ سردی کے دنوں میں آتے ہیں اور گرمیوں میں واپس چلے جاتے ہیں۔
یہ وہ پھیری وقت جو گانا گاتے ہیں ان سے لوگ خود ہی کھینچے چلے آتے ہیں، شہر کے گلی محلے میں گھومتے پھرتے یہ گجک فروخت کرتے ہیں۔
جب یہ محلوں میں جاتے ہیں تو وہ اپنا مخصوص گانا گاتے ہیں ویسے تو یہ کہتے ہیں کہ کیا کریں صاحب بریلی میں گجک زیادہ بنتا ہے لیکن ہم جیسے خریدار کم ہی ملتے ہیں۔
اپنے کنبہ کی پرورش کرنی ہے اور اسی کو روزگار بنایا ہے اس لیے گھر بار چھوڑ کر یہاں رہتے ہیں اور تکلیفوں اور مصیبتوں کو برداشت کرکے گلی کوچوں میں گھوم کر فروخت کرتے ہیں۔
حالانکہ ان کا کہنا ہے اس کے خریدار زیادہ ہیں، تلکٹ کی طرح ہی اسے بھی خوب پسند کیا جا رہا ہے ان کے ساتھ آئے ایک ساتھی روزانہ دو سے تین ہزار روپے کی گجک پھیری لگا کر فروخت کر دیتے ہیں۔
اوم کار اور انیس بتاتے ہیں کہ بریلی کی یہ مشہور مٹھائی ہے یہاں اس کی ڈیمانڈ ہے اسی لیے یہاں آکر فروخت کرتے ہیں۔
انہوں نے بتایا کہ قریب دس سالوں سے یہاں آکر سردی کے موسم میں اس کی تجارت کرتے ہیں، دوکاندار سے لیکر ہرعام وخاص اس کو دلچسپی کے ساتھ خرید کر لے جاتے ہیں۔
