تامل ناڈو کے تھیپاکڈو میں ہاتھیوں کے کیمپ کے افتتاح کے موقع پر تامل ناڈو کے ایک وزیر نے قبائلی لڑکے سے اپنی چپل اتارنے کو کہا جس پر لڑکے ان کے پیر سے چپل اتارا۔
مدومالائی ٹائیگر ریزرو کےتحت تھیپاکڈو میں ہاتھیوں کی بحالی کے کیمپ کا افتتاح کرنے وزیر جنگلات ڈینڈی گل سی سرینواسن وہاں پہنچے اور انہوں نے ایک لڑکے سے اپنی چپل اتارنے کو کہا۔
وزیر کے اس بیان سے قبائلی لڑکا تمام عوام کے بیچ ان کی چپل اتارنے پر مجبور ہوا، لیکن اب تک یہ واضح نہیں ہوا کہ سری نواسن نے لڑکے سے اپنے جوتے کیوں اتارنے کو کہا۔
'اے آئی ڈی ایم کے ' کے ایک سینئر رہنما نے اس واقعے کو نظر انداز کرنے کوشش کرتے ہوئے کہا کہ 'لڑکا ان کے پوتے کی طرح ہے'۔
مزید پڑھیں: سعودی عرب: یمن میں تعلیم اور ترقیاتی پروگرامز کے معاہدے پر دستخط
انہوں نے نامہ نگاروں کو بتایا 'میں نے اس تعلق سے فون کے زریعے رابطہ کیا اور اس مسئلے کے تعلق پوچھا تو انہوں نے کہا کہ' کہ یہ محض اتفاق ہے اور کچھ نہیں'۔
اس واقعے کے بعد سے سوشل میڈیا پر بھی لوگوں نے اس تعلق سے غم و غصہ کا اظہار کرتے ہوئے وزیر کی اس حرکت کی سخت مذمت کی ہے اور ایس سی ایس ٹی ایکٹ کے تحت وزیر کے خلاف کارروائی کا مطالبہ بھی کیا ہے۔
