ریاست بہار کے ضلع سارن کے مانجھی تھانہ علاقہ میں پولیس نے دو کار سے تقریبا 273 لیٹر شراب ضبط کر کے چار لوگوں کو گرفتار کیا ہے۔
پولیس ذرائع کے مطابق ضلع کے مانجھی تھانہ کے تحت بلیا موڑ پر گاڑی چیکنگ کے دوران اتر پردیش سے آرہی ایک مشتبہ کار کی تلاشی کے دوران 205 لیٹر شراب ضبط کی گئی۔
اس سلسلے میں ضلع کے امنور باشندہ ہری دیال کے بیٹے وکاس کمار سنگھ اور ویشالی ضلع کے حاجی پور مونگرہی باشندہ رام دیال رائے کے بیٹے گولچی کمار کو گرفتار کرلیا گیا ہے۔
ذرائع نے بتایاکہ تلاشی کے دوران ایک دیگر کار سے 68 لیٹر شراب برآمد کی گئی ہے۔ معاملے میں دو لوگوں کو گرفتار کیا گیا ہے۔
مزید پڑھیں: 'بے قصور ثابت ہونے پر معاوضہ دیا جائے گا'
گرفتار لوگوں میں مظفر پور ضلع کے نگر تھانہ علاقہ کے گولا روڈ باشندہ ابھی نندن کمار اور سمت سہگل شامل ہیں اس سلسلے میں الگ الگ معاملہ درج کر کے سبھی کو جیل بھیج دیا گیا ہے
