ریاست ہریانہ کے علاقے نوح کے مالب گاؤں کے پاس نہر پر ایک بڑا حادثہ پیش آیا۔ حادثہ اتنا بھیانک تھا کہ دونوں موٹر سائیکل پوری طرح سے ٹوٹ گئی۔ ہلاک ہوئے دونوں جوان ایک ہی گاؤں آکیڑہ کے مکین ہیں۔
زخمی حالت میں پرائیویٹ گاڑیوں سے دونوں کو میڈیکل کالج نلہر پہنچایا گیا۔ لیکن دونوں نے راستے ہی میں دم توڑ دیا۔
ہریانہ: موٹرسائیکل میں آمنے سامنے کی ٹکر سے دو ہلاک
مقامی لوگوں کا کہنا تھا کہ قومی شاہراہ 248 اے کی فور لائن کئے جانے کا مطالبہ برسوں سے کیا جارہا ہے۔ لیکن سرکار نے اس جانب توجہ ہی نہیں دی۔اسی کے چلتے آئے دن بڑے حادثہ ہوتے رہتے ہیں۔
لوگوں کا یہ بھی کہنا تھا کہ ہمارے سیاسی رہنماؤں نے کبھی ہماری بات کو حکومت تک نہیں پہنچایا، بس وہ وعدہ ہی کرتے آرہے ہیں۔
اگر حکومت اس جانب توجہ دے تو اس طرح کے حادثات نہ ہوں۔
