ہریانہ بورڈ کے دسویں اور بارہویں کے امتحانات 20 اپریل سے ہوں گے

کورونا وائرس کی وجہ سے ہر شعبہ متاثر ہوا ہے۔ تعلیمی میدان بھی اس سے اچھوتا نہیں رہا۔ لیکن اب دھیرے دھیرے معمولات زندگی پٹری پر لوٹ رہے ہیں اور تعلیمی سرگرمیاں پھر سے بحال ہونے کی راہ پر گامزن ہیں۔ اس بار ہریانہ بورڈ کے امتحانات 20 اپریل سے 31 مئی تک منعقد ہونگے۔

ہریانہ بورڈ کے صدر ڈاکٹر جگبیر سنگھ نے بتایا کہ امتحانات کے تعلیمی نصاب میں 30 فیصد کمی کی گئی ہے۔ جبکہ سوالیہ پرچہ میں 50 فیصد سوال آبجیکٹیو شامل کیے جائیں گے۔ امتحانات 20 اپریل سے 31 مئی تک چلیں گے۔

اس کے پریکٹیکل کے موضوعات کے امتحانات تحریری امتحانات سے قبل منعقد کرائے جائیں گے۔

مزید پرھیں:

دہلی میں 12 فروری کو عالمی یونانی میڈیسن ڈے تقریب

کورونا وائرس کی وجہ سے تعلیم متاثر ہوئی ہے۔ اسی کے مدنظر ہریانہ تعلیمی بورڈ کے امتحانات گزشتہ سالوں کے بالمقابل تقریباً ڈیڑھ مہینے بعد منعقد ہوں گے۔