اجئے چوٹالہ کی تہاڑ جیل سے رہائی

جننائک جنتا پارٹی کے سربراہ دشینت چوٹالہ کے والد اجئے چوٹالہ کو تہاڑ جیل سے رہا کیا گیا ہے۔

اجئے چوٹالہ کو 14 دن کی رخصت پر رہا کیا گیا ہے۔
تہاڑ جیل کے ڈی جی کے مطابق اجئے چوٹالہ نے کچھ دن قبل درخواست دی تھی کہ وہ انکی والدہ کی یاد میں منعقد ہونے والی ایک رسم میں شرکت کرنا چاہتے ہیں، جس پر انھیں چودہ دن کی رخصت دی گئی۔
اجئے چوٹالہ کرپشن میں ملوث ہونے کے جرم میں سزا کاٹ رہے ہیں۔

سزا یافتہ نے رہائی کے بعد اپنے بیٹے دشینت چوٹالہ کی پارٹی کی کامیابی پر خوشی کا اظہار کیا اور کہا کہ صرف 11 مہینوں کے اندر دشینت نے پارٹی کو مستحکم کیا۔ذرائع کے مطابق اجئے چوٹالہ اپنے فرزند دشینت چوٹالہ کی حلف برداری تقریب میں بھی شرکت کریں گے۔دشینت چوٹالہ کی پارٹی بی جے پی کے ساتھ ہریانہ میں حکومت کی تشکیل میں حصے دار بننے جارہی ہے اور دونوں جماعتوں کے درمیان ہوئی مفاہمت کے مطابق دشینت چوٹالہ نائب وزیر اعلی کا عہدہ سنبھالیں گے۔