ہریانہ حکومت کے محکمہ صحت کے مطابق نئے کیسز میں 66 سونی پت اور 65 گورو گرام سے ہیں۔ اس کے علاوہ بھیوانی میں 15، کرنال میں 14، روہتک میں سات، پنچکولہ میں تین، حصار اور جھاجر میں دودو اور فتح آباد میں ایک شخص کورونا پازیٹو پایا گیا ہے۔
محکمہ صحت کے مطابق 32 مریض آج صحت یاب ہوئے ہیں۔ اس کے ساتھ ہی ریاست میں ایکٹو کیسز کی تعداد بڑھ کر 5040 ہوگئی ہے۔
واضح رہے کہ ہریانہ میں کورونا کے 12185 کیسز سامنے آچکے ہیں۔ ان میں سے 188 افراد ہلاک ہو چکے ہیں اور 6957 افراد صحت یاب بھی ہوئے ہیں۔
بھارت میں متاثرین کی مجموعی تعداد 4 لاکھ 73 ہزار 105 ہو چکی ہے۔ 14 ہزار 894 افراد ہلاک ہوئے ہیں۔
بھارت میں سب سے زیادہ 1 لاکھ 42 ہزار 900 کیسز کے ساتھ مہاراشٹر پہلے نمبر پر ہے۔ یہاں اب تک 6 ہزار 739 افراد ہلاک ہو چکے ہیں۔ دوسرے نمبر پر دہلی اور تیسرے نمبر پر تمل ناڈو ہے جبکہ فی الحال سکم میں 84 کیسز کی تصدیق ہوئی ہے۔
واضح رہے کہ اس نئے کورونا وائرس کے سبب مریض کو بخار، کھانسی جیسی معمولی علامتیں ظاہر ہوتی ہیں، تاہم بڑی عمر اور بیمار افراد کے لیے ہلاکت کا شدید خطرہ ہے۔
