ذرائع کے مطابق چالیس پچاس سالہ برہو وشنو گڑھ سے سنیچر کی صبح مغربی بوکارو کے برہور ٹولہ میں اپنے رشتہ دار کے یہاں آیا تھا۔ وہ صبح سے ہی قئے کررہا تھا، دن کے تقریباً گیارہ بجے ٹاٹا اسٹیل رورل ڈیولپمنٹ سوسائٹی (ٹی ایس آر ڈی ایس) مغربی بوکارو کو اس کی اطلاع دی گئی۔
اطلاع ملنے کے بعد ٹی ایس آرڈی ایس میڈیکل افسر ڈاکٹر ٹی بی سنگھ نے موقع پر پہنچ کر اس کی شناخت اور جانچ کے ساتھ اس کی ٹریول ہسٹری معلوم کی جس کے مطابق متوفی مغربی بنگال سے پہلے وشنو گڑھ آیا تھا وہاں سے سنیچر کی صبح مغربی بوکارو کے برہور ٹولہ پہنچا تھا۔
جانچ کرنے گئے ڈاکٹر کے مطابق برہو کی دل کی دھڑکن رک چکی تھی۔ اس کے بعد انہوں نے موقع سے ہی مانڈو کے بلاک ڈیولپمنٹ افسر (بی ڈی او) منوج کمار گپتا کو فون پر اس کی اطلاع دی۔
لاش کو مانڈو لانے کے لیے کہا گیا۔ مانڈو پہنچنے پر کمیونٹی ہیلتھ سنٹر (سی ایچ سی) کے ڈاکٹر اشوک رام نے برہور کو مردہ قرار دیتے ہوئے لاش کورونا کے ٹیسٹ کے لیے رام گڑھ بھیج دی۔
بی ڈ ی او مسٹر گپتا نے بتایا کہ برہور کی لاش کو پوسٹ مارٹم کے لئے رام گڑھ صدر اسپتال بھیجا گیا ہے۔ موت کی وجہ ابھی واضح نہیں ہے۔ متوفی کے ساتھ دیگر چار لوگ بھی مغربی بنگال سے وشنو گڑھ ہوتے ہوئے برہور ٹولہ آئے تھے جنہیں متوفی کے ساتھ مانڈو کے کورینٹائن مرکز بھیج دیا گیا ہے۔
