ریاست ہماچل پردیش کے ضلع کنور میں عالمی وبا کورونا وائرس کے پیش نظر اگلے حکم تک کرفیو نافذکردیا گیا ہے۔
ان حالات کے سبب بہت سے غریب مزدوروں کو معاشی بحران کا سامنا ہے، ایسے حالات میں ان لوگوں کی مدد کے لیے فوجی جوان آگے آرہے ہیں۔
کرفیو نافذ ہونے کے سبب روزگار نہ ملنے سے سیکڑوں مہاجر مزدور اور قبائلی ضلع کنور کے مورنگ میں جیسے تیسے اپنی زندگی بسر کر رہے ہیں۔
مہاجر مزدوروں کے پاس کھانے کے لیے کچھ نہیں ایسے میں یہاں تعینات آئی ٹی بی پی اہلکار جو ہند-تبت سرحد پر ہیں روزانہ سیکڑوں مزدوروں کو کھانا کھلا رہے ہیں۔
مرنگ کے قریب سڑکوں پر نقل مکانی کرنے والے مزدوروں کو دیکھ کر آئی ٹی بی پی کے جوان اپنے کیمپ سے ان لوگوں کے لئے کھانا مہیا کررہے ہیں۔
مہاجر مزدوروں کو سماجی دوری کا پورا خیال رکھتے ہوئے کھانا کھلایا جاتا ہے۔ آئی ٹی بی پی کے جوان لوگوں کو دوسری ضروری چیزیں بھی فراہم کر رہے ہیں۔
واضح رہے کہ آئی ٹی بی پی اہلکاروں کی ایک ٹیم ضلع کے اندر تمام ضرورت مند مہاجر مزدوروں کو تلاش رہی ہے اور مختلف مقامات پر انہیں کھانے پینے کی اشیاء فراہم کررہی ہے۔
سیکڑوں افراد آئی ٹی بی پی جوانوں کے ان اقدامات سے کھانا لے رہے ہیں۔ لاک ڈاؤن کے دورانیے میں ضلع کا ہر فرد فوجیوں کے اس کام کی تعریف کر رہا ہے۔
