بیکانیر کے تھانہ چھتر گڑھ میں ، ایک نوجوان کو لاٹھیوں سے پیٹ پیٹ کر قتل کرنے کا معاملہ سامنے آیا ہے۔
اطلاع کے مطابق ، گھڑسانہ کے رہائشی ارشد کی چھتیس گڑھ کی ایک نوجوان لڑکی سے دوستی تھی اور وہ اپنے دو دوستوں کے ساتھ لڑکی کے گاؤں 45 آرڈی آیا تھا لیکن اس دوران لڑکی کے گھر والوں کو اس کا پتہ چل گیا اور ان لوگوں نے ارشد اور اس کے دوستوں سے مارپیٹ کی۔اس دوران نوجوان کے دونوں دوست اپنی جان بچانے کے لئے فرار ہوگئے لیکن نوجوان وہیں گر پڑا، جس کے بعد انہوں نے اسے لاٹھیوں سے پیٹ پیٹ کر مار ڈالا۔
نوجوان کے دونوں دوستوں نے ارشد کے اہل خانہ کو اس کی اطلاع دی۔ جس کے بعد ارشد کے گھر والے چھتر گڑھ پولیس اسٹیشن پہنچے اور پولیس نے نعش کو قبضہ میں لیکر پوسٹ مارٹم کے بعد لواحقین کے حوالے کردیا۔
فی الحال ، پولیس ملزموں کی تلاش کر رہی ہے جبکہ ایس پی پردیپ موہن شرما نے ایڈیشنل سپرنٹنڈنٹ آف پولیس سنیل کمار سے واقعے کے بارے میں معلومات لی اور ملزم کی جلد گرفتاری کے لیے ہدایت کی۔
