ریاست مدھیہ پردیش کے دارالحکومت بھوپال میں وائرل بخار کے کیسز میں تیزی سے اضافہ ہورہا ہے۔ اس کی رفتار کا اندازہ اسی سے لگایا جاسکتا ہے کہ سبھی سرکاری اور غیر سرکاری ہسپتالوں کی او پی ڈی 60 فیصد بڑھ گئی ہے۔
ان میں سے زیادہ تر بچے ہیں۔ جنہیں سردی، کھانسی، زکام اور بخار ہے۔ ان بچوں میں بخار 103 سے 104 ڈگری تک آرہا ہے۔
عالم یہ ہے کہ پچھلے دو ہفتے میں بیمار بچوں کی تعداد میں تین گنا تک اضافہ ہوگیا ہے۔ ان میں سے 116 بچے تو اکیلے حمیدیہ ہسپتال میں بھرتی ہیں۔ اسپتالوں کے او پی ڈی میں آنے والے 50 فیصد بچوں کا کورونا ٹیسٹ بھی کیا جارہا ہے۔
مزید پڑھیں:وائرل بخار کی زد میں بارہ بنکی
اچھی بات یہ ہے کہ ان میں سے سبھی سیمپل کی کورونا رپورٹ منفی ہی نکل رہی ہے، زیادہ تر بچوں میں وائرل بخار اور نمونیا ہی پایا جارہا ہے۔
