گھر سے باہر پھنسے ہوئے لوگوں کے سامنے جب لاک ڈاؤن کے دوران تمام راستے بند ہو گئے تھے ایسے وقت میں نین پور تحصیل رہائشی وندنا تیکام نے پہل کی جس کی وجہ سے سینکڑوں لوگوں کو دوسرے ضلع سے اپنے گھروں تک لوٹنے کا موقع ملا بلکہ جو لوگ دوسرے ضلع سے آکر منڈلا میں پھنسے ہوئے تھے، انہیں بھی ان کے گھروں تک پہنچانے میں وندنا نے کوئی کثر نہیں چھوڑی۔ اس دوران انہوں نے تقریبا تین سو لوگوں کو گھر پہنچانے کے لیے گاڑی کا خرچ خود ہی اٹھایا۔
جب وندنا تیکام کو معلوم ہوا کہ جھارکھنڈ سے 32 مزدور جو ریلوے کا کام کرنے نین پور آئے تھے اور لاک ڈاؤن کی وجہ سے واپس نہیں جا سکے۔ وندنا نے اپنے جاننے والے جھارکھنڈ کے سابق جی ایم سے رابطہ کیا، جس کے بعد چائیباسا کی رکن پارلیمنٹ گیتا کوڑا اور بہت سے دوسرے لوگوں سے رابطہ کرتے ہوئے ، انہوں نے تمام 32 افراد کو ریاست کی سرحد پر پہنچانے کا کام کیا۔ وندنا کو بھی اس عمدہ مقصد میں دوسرے لوگوں کا تعاون حاصل ہوا۔ اس کے علاوہ ، وندنا ضرورت لوگوں تک ضرورت کی اشیاء ، ماسک ، سینیٹائزر وغیرہ کی فراہمی کے لئے کوشاں ہیں۔ سرکاری اسکیموں میں آگاہی لانے اور گاؤں تک تعلیم کو فروغ دینے کا کام مسلسل جاری ہے۔
ان لاک 1.0 اس وقت چل رہا ہے اور حکومت کی طرف سے بہت سی رعایات کے ساتھ گھروں کو واپس لوٹ رہے لوگوں کے لیے مکمل انتظامات کیے جارہے ہیں لیکن ابھی بھی مکمل طور پر نقل و حمل شروع نہیں ہونے کی وجہ سے مقامی سطح پر لوگوں کی مدد کے ساتھ گاؤں میں ماسک بانٹنا اور لوگوں کو کورونا وبا سے آگاہ کرنے کا سلسلہ وندنا نے جاری رکھا ہے۔ وندنا کی کوشش ہے کہ کورون کے اس دور میں کوئی بھی اپنوں سے دور یا کسی وجہ سے پریشان نہ رہے۔
