ریاست مدھیہ پردیش کے شہر اندور میں گذشتہ سال کی طرح اس سال بھی کرونا سے متعلق ہدایت کے عمل پر عید الفطر کا تہوار منایا جائے گا۔
کورونا بحران نے جہاں لوگوں کی زندگی کو بری طرح متاثر کیا ہے وہیں، تہواروں کی لذت کو بھی متاثر کر دیا ہے۔
گذشتہ سال کی طرح اس سال بھی سرکاری ہدایات کے مطابق عید منائی جائے گی ۔
اس بار بھی بازاروں میں کوئی چہل پہل عید الفطر کے موقع پر نظر نہیں آئی۔
دکانداروں کا کہنا ہے کی دور دراز سے عید الفطر کی خریداری کرنے لوگ بازار میں نہیں پہنچ پا رہے۔ عید الفطر کے تہوار کو میٹھی عید بھی کہا جاتا ہے۔ اس دن سارے گلے شکوے بھلا کر جہاں ایک دوسرے کو گلے لگا کر عید کی مبارکباد دی جاتی ہے۔ سیویاں اور شیرخورمہ سے منہ مٹھا کرایا جاتا ہے۔
مگر گذشتہ سال کی طرح اس بار بھی کرونا ہدایات نافذ ہے۔
مشینی دور میں اب بھی کچھ لوگ روایتی طریقے سے ہاتھوں سے بنی سیویاں کو زیادہ ترجیح دیتے ہیں۔ ان کا کہنا ہے کہ یہ زیادہ لذیذ ہوتی ہے۔ دکانداروں کا کہنا ہے کہ جس طرح ہم نے کاروبار کی امید کی تھی وہ تو نظر نہیں آ رہا ہے۔
