سرکاری ذرائع کے مطابق شیو راج سنگھ چوہان کا وزیر اعظم مودی سے ملاقات کا وقت طے ہے۔ شیو راج سنگھ چوہان ملاقات کے لئے دہلی پہنچ چکے ہیں۔ کورونا کی دوسری لہر کے قہر کے بعد شیو راج سنگھ کی مودی سے یہ پہلی ملاقات ہے۔
ذرائع کے مطابق شیو راج سنگھ وزیر اعظم مودی کو ریاست میں کورونا کی موجودہ صورتحال سے آگاہ کریں گے۔ وہ ریاست میں کورونا پر قابو کے حوالے سے ریاستی حکومت کے اب تک اٹھائے گئے قدم کے تعلق سے معلومات فراہم کریں گے۔
ساتھ ہی وہ تیسری لہر سے نمٹنے کے لئے حکومت کی کوششوں سے آگاہ کریں گے اور رہنمائی بھی حاصل کریں گے۔ اس دوران کورونا ویکسینیشن کی پیش رفت کے بارے میں تبادلہ خیال ہوگا۔
شیو راج سنگھ ریاست سے 3 جولائی تک شروع ہونے والے 'جن جاگرن مہا ابھیان' کے بارے میں آگاہ کریں گے۔ 'پی ایم غریب کلیان یوجنا' کے تحت ریاست میں کیے جا رہے کاموں کے بارے میں بتائیں گے۔ اس دوران خود انحصاری مدھیہ پردیش کے روڈ میپ اور ریاست سے متعلق ترقیاتی منصوبوں کے بارے میں بات چیت کا امکان ہے۔
