پولیس ذرائع کے مطابق کرّی کے نزدیک واقع سینک پبلک اسکول کی بس چھٹی کے بعد بچوں کے ان کے گھر چھوڑنے لے کر جارہی تھی۔ مکندپورا کے نزدیک بے قابو ہوکر گڈھے میں پلٹ گئی۔حادثے میں زخمی ہوئے سبھی بچوں کو سیفئی میڈیکل یونیورسٹی، سرسئی ناور واقع کمیونٹی ہیلتھ سنٹر اور پرائیویٹ اسپتالوں میں داخل کرایا گیا ہے۔
انہوں نے بتایا کہ اسکول کی بس بینا، گلے پورا، چندے پورا، پراسنا سرورپورا، ادھم پورا، چترکوٹ، سرسئی ہیلو گاؤں کے 70 بچوں کو لے کر چھٹی کے بعد انہیں گھر چھوڑنے جار رہی تھی۔ بس جیسے ہی کرّی ۔بینا شاہراہ پر گاؤں مکند پورا کے سامنے پہنچی تو بے قابو ہوکر گڈھے میں جاگری۔
مقامی افراد نے بتایا کہ بس ڈڑائیور کی لاپرواہی سے یہ حادثہ پیش آیا۔ بس کے گڈھے میں گرتے ہی چیخ پکار مچ گئی۔آس پاس کے کھیتوں میں کام کررہے مقامی افراد نے موقع پر پہنچ کر بچوں کو بس سے باہر نکالا۔
موقع پر مقامی افراد کی بھاری بھیڑ اکٹھا ہوگئی۔ حادثے کی اطلاع ملتے ہیں اہل خانہ سمیت اسکول انتظامیہ کو بھی دے دی گئی۔کچھ بچوں کامعمولی علاج کے بعد ان کو ان کے اہل خانہ کے ساتھ بھیج دیا گیا ہے۔
