ریاست مدھیہ پردیش حج کمیٹی کے ذمہ دار یاسر عرفات نے ای ٹی وی بھارت سے کہا کہ 'جس طرح کا سرکولر سینٹرل حج کمیٹی سے جاری ہوا ہے۔ اس کے مطابق حج ہاؤس کو عارضی طور پر کووڈ سینٹر میں تبدیل کیا جائے گا، جس کی تیاری زور و شور سے جاری ہے۔
یاسر عرفات نے کہا کہ 'بھوپال ضلع انتظامیہ سے بات کر کے حج ہاؤس میں کس طرح کی سہولیات مہیا کی جائے اس پر بات کی جا رہی ہے۔ اب حج ہاؤس کا سروے محکمہ صحت کے ذریعے کیا جائے گا، تاکہ یہ طے کیا جاسکے کہ حج ہاؤس میں کتنے بیڈ کا کووڈ سینٹر تیار کیا جا سکتا ہے۔'
انہوں نے کہا کہ 'پہلے حج ہاؤس کو کورنٹائن سینٹر بنایا گیا تھا، پر اس بار کووڈ سینٹر بنانے کی تیاری کی جارہی ہے۔ اس لئے محکمہ صحت کے سروے کے بعد ہی یہ پتہ ہوگا کہ یہاں کس طرح کے انتظامات کیے جائیں گے۔'
یاسر عرفات نے کہا کہ جس طرح سے پورے بھوپال میں مسلم تنظیمیں کام کر رہی ہیں، وہ یہاں پر بھی اپنی خدمات کو انجام دیں گی۔
