بھوپال کے مشہور شاعر منظر بھوپالی نے بھی شہریت ترمیمی قانون اور این آر سی کے خلاف کانگریس رہنما کمل ناتھ کی قیادت میں نکالے گئے امن مارچ میں شرکت کی۔
مارچ کے دوران منظر بھوپالی نے ای ٹی وی بھارت کے ساتھ اپنے خیالات کا اظہار کرتے ہوئےکہا کہ ان کے بھی اسی بستی و گھروں میں بچے رہتے ہیں، یہ نہیں سوچتے کہ وہ کیوں خون بہانے پے تلے ہیں۔
این آر سی اور سی اے اے کی مخالفت کے پیش نظر منظر بھوپالی نے کہا کہ یہ منظر بہت ہی خوفناک ہے۔ انہوں نے کبھی بھی ایسا منظر نہیں دیکھا۔
آزادی کی جدوجہد میں بھی پوری عوام ساتھ میں نہیں تھی لیکن این آر سی اور سی اے اے کے احتجاج کے لیے ہر کوئی باہر نکل کر اپنا اھتجاج درج کرا رہا ہے۔
آزادی کے وقت بھی شہید بھگت سنگھ کو غلط ثابت کرنے کی پوری کوشش کی گئی تھی اور حق کی راہ پر چلنے والوں کو پریشانیوں کا سامنا کرنا ہی پڑتا ہے۔
قومی آبادی ریکارڈ کو منظور کیے جانے کے پر انہوں نے کہا کہ اس وقت این آر سی اور سی اے اے کے بارے میں بات کی جارہی ہے۔ جب این پی آر آئے گا اور اگر یہ دیانتداری کا کام ہے تو وہ اس میں حصہ لیا جائے گا ورنہ وہ بھی اس کی حمایت نہیں کریں گے۔
