مودی نے غریبوں کے لیے خزانہ کھول دیا ہے: شیوراج

مدھیہ پردیش کے وزیر اعلیٰ شیوراج سنگھ چوہان نے کہا ہے کہ مہاجر مزدوروں، چھوٹے کسانوں، کھانچہ فروش (اسٹریٹ وینڈرس) وغیرہ کے لیے کیے گئے اعلان کے ذریعے وزیراعظم نریندر مودی نے غریبوں کے لیے خزانہ کھول دیا ہے۔

مسٹر چوہان نے کہا،’ون نیشن ون راشن کارڈ‘ انقلابی فیصلہ ہے جس کے ذریعے مہاجر مزدور جہاں بھی کام کے لیے جائیں گے وہاں انھیں راشن مل جائے گا۔ اس کے ساتھ مہاجر مزدوروں کو اگلے دو ماہ تک مفت اور پانچ کلو اضافی راشن دیا جائے گا۔

انہوں نے کہا کہ حکومت کی جانب سے کھانچہ فروش کے لیے پانچ ہزار کروڑ روپیے کی امداد کا اعلان کیا ہے جو کورونا بحران کے دور میں ان کے لیے بڑی مدد ثابت ہوگی۔