ریاست مدھیہ پردیش کے شیو پوری میں ایک شخص نے مبینہ طور پر خودکشی کر لی۔ پولیس کے مطابق ہلاک ہونے والے شخص کے ساتھ مار پیٹ کی گئی اور اسے پیشاب پلایا گیا تھا۔
پولیس نے بتایا کہ اس سلسلے میں دو خواتین سمیت تین افراد کو گرفتار کیا گیا ہے۔
پولیس سپرنٹنڈنٹ (ایس پی) راجیش سنگھ چندریل نے بتایا کہ ہلاک شدہ شخص کی شناخت وکاس شرما کے طور پر ہوئی ہے، اس نے خود کش نوٹ سمیت ایک ویڈیو ریکارڈ کی تھی جس میں اس نے ملزموں کے خلاف الزامات عائد کیے ہیں۔
ملزمان کی شناخت منوج کولی، تراوتی کولی اور پرینکا کولی کے طور پر ہوئی ہے۔
پولیس سپرنٹنڈنٹ (ایس پی) راجیش سنگھ چندر کے 'خودکش نوٹ اور برآمد شدہ ویڈیو کے میں مقتول نے بتایا کہ جب وہ پانی لانے گیا تھا تو ملزم نے اسے مارا پیٹا اور پیشاب پینے کے لیے مجبور کیا'۔
چندریل نے کہا 'ملزموں کو گرفتار کرلیا گیا ہے اور متعلقہ دفعات کے تحت مقدمات درج کرلیے گئے ہیں، مزید تفتیش جاری ہے'۔
ایس پی نے یہ بھی بتایا کہ 'گذشتہ ڈیڑھ برس سے پلاک شدہ کے لواحقین اور ملزمان کے درمیان تنازعہ چل رہا تھا'۔
