پولیس کے مطابق 14 برس کی بچی کو شدید حالت میں کل ناگپور بھیجا گیا تھا، آج صبح اس کی موت ہو گئی۔
کل ہی اس لڑکی نے گینگ ریپ کے ملزموں کی تشدد اور بلیک میلنگ سے پریشان ہو کر کیروسین ڈال کر خود سوزی کر لی تھی، اسے پہلے یہاں ضلع اسپتال لایا گیا، جہاں سے اسے بہتر علاج کے لیے ناگپور بھیج دیا گیا۔
ذرائع نے شکایت کا حوالہ دیتے ہوئے کہا کہ تقریبا ڈیڑھ ماہ پہلے سندیپ، اجے اور نتیش نام کے لڑکوں نے اسے گینگ ریپ کا شکار بنایا تھا۔ بعد ازاں وہ مسلسل اسے ذہنی اذیت پہنچا رہے تھے جس کے نتیجے میں اس نے خود سوزی کر لی تھی۔
ذرائع نے کہا کہ پولیس نے کوتوالی تھانے میں مقدمہ درج کر دو ملزمان سندیپ اور نتیش کو گرفتار کر لیا ہے۔ مزید ایک ملزم اجے کی تلاش جاری ہے۔
