ریاست مدھیہ پردیش کے کانگریس کے سینیئر لیڈر اور سابق وزیر اعلی دگ وجے سنگھ نے ریاستی حکومت پر اراکین اسمبلی کی خریدوفروخت کا الزام لگایا اور کہا کہ' بھارتیہ جنتا پارٹی گندی سیاست کررہی ہے، یہ انتخاب جمہوریت کی بقاء کے لیے ہے۔'
صحافیوں س خطاب کرتے ہوئے انہوں نے کہا کہ' آج عوام کے سامنے سب سے بڑا سوال یہ ہے کہ جمہوریت کو بچایا جائے یا اسے ختم کیا جائے۔ انہوں نے کہا کہ' کب تک رکن اسمبلی کی خریدوفروخت چلتی رہے گی، کب تک ریاست کو اس طرح کے ماحول کا سامنا کرنا پڑے گا۔' کب کون بک جائے، کب کون کسے خریدے اور کب کس کی حکومت چلی جائے ایس ماحول بنا ہوا ہے۔ عوام کی رائے کو ختم کیا جا رہا ہے۔'
مزید پڑھیں: مدھیہ پردیش: لگاتار بارش سے زندگی درہم برہم
ضمنی انتخابات میں ایک ہی مدعی ہے جمہوریت بچاؤ اور غداروں کو بھگاؤ۔ وہیں کانگریس کے قومی صدر کے انتخاب پر انہوں نے کہا کہ' سی ڈبلیو سی کا فیصلہ ہے کی چھ مہینے میں نیا قومی صدرکا انتخاب کیا جائے گا۔'
نامہ نگاروں کے بھارتیہ جنتا پارٹی کے ممبر سازی مہم کے سوال پر کہاکہ' بی جے پی کی مس کال مہم پر جو بھی مس کال کرئے گا وہ اس کا ممبر بن جائے گا آپ بھی کر لے دیکھ لو۔'
مدھیہ پردیش کی نوکریاں مدھیہ پردیش والوں کے لیے کے سوال پر انہوں نے کہا کہ' یہ سب کانگریس کے اقتدار میں فیصلہ لیا جا چکا تھا۔ جس سے بی جے پی نے ختم کردیا تھا۔ اور اب اپنے مفاد کے خاطر اسے دوبارہ شروع کر رہے ہیں'۔
