'عالمی اجتماع میں پلاسٹک کا استعمال نہیں ہوگا'

ریاست مدھیہ پردیش کے دارالحکومت شہر بھوپال میں عالمی تبلیغی اجتماع کی تیاریاں زور شور سے جاری ہے۔ اجتماع کمیٹی نے فیصلہ کیا ہے کہ اجتماع میں پلاسٹک کا استعمال نہیں ہوگا۔

ضلع انتظامیہ اس اجتماع کے مدنظر سکیورٹی کے سخت انتظامات کر رہی ہے۔ اجتماع گاہ کے آس پاس دفعہ 144 نافذ کر دی گئی ہے-

یہ اجتماع بھوپال میں 22 نومبر سے ہوگا۔ اجتماع کے پیش نظر ضلع انتظامیہ نے حفاظتی انتظامات سخت کر دیئے گئے ہیں۔ یہاں ہر آنے جانے والے پر سخت نظر رکھی جا رہی ہے اور چیکنگ کی جا رہی ہے-

اجتماع گاہ کے آس پاس لگنے والی دکانوں کو اجتماع گاہ سے پندرہ سو میٹر کی دوری پر رکھا جائے گا۔

اس بار اجتماع کمیٹی نے پولیتھن اور پلاسٹک کے سامان پر پابندی لگا دی ہے تاکہ اجتماع گاہ پر استعمال ہونے والی کھیتی کی زمین کو کسی بھی طرح کے نقصان سے بچایا جا سکے۔ بتایا جاتا ہے کہ پولیتھن اور پلاسٹک کا استعمال کرنے والے پر جرمانہ لگایا جائے گا-