اسلام ایک مکمل نظام حیات ہے اس کے تحت ایک مالیاتی نظام بھی پیش کیا گیا ہے جس پر عمل کرکے بہترین مالیاتی نظام قائم کیا جاسکتا ہے، جس میں حلال طریقے سے تجارت کی جائے تو وہ عبادت میں شمار ہوتا ہے۔
خیال رہے کہ ان باتوں کا اظہار بھوپال میں منعقد ہوئے اس پروگرام میں 'سہولیت کریڈٹ کوآپریٹیو سوسائٹی' بھوپال برانچ اور 'لشکر نمکین' کی افتتاحی تقریب میں کہی گئی۔
واضح رہے کہ یہ سوسائٹی جماعت اسلامی ہند کے زیر اہتمام قائم کی گئی ہے جس میں میں ڈیلی ڈپازٹ اکاؤنٹ، امانت اکاؤنٹ اور گروتھ فنڈ اکاؤنٹ کی سہولیت صارفین کو مہیا کرائی جائے گی اور سوسائٹی کا پورا لین دین غیرسودی اور شفاف ہوگا۔
امید حلقہ جماعت اسلامی ڈاکٹر حامد بیگ نے کہا کہ سہولت سوسائٹی کا قیام غیر سودی روباری نظام کو عام کرنے کی خوش آئن کوشش ہے اور اس طرح سے اللہ کی ناراضگی سے بچا جاسکتا ہے۔
انہوں نے بتایا کی جماعت کے زیر اہتمام ملک میں 82 جگہ پر کوآپریٹیو سوسائٹی کام کررہی ہے جس میں کاروباری حضرات پورے اعتماد کے ساتھ اپنے پیسے کو نہ صرف محفوظ کرسکتے ہیں بلکہ اس کا استعمال کرسکتے ہیں۔
واضح رہے کہ پروگرام میں لشکر نمکین پروڈکٹ کا بھی افتتاح عمل میں آیا، نمکین فیکٹری مسجد نسترن بانو کے احاطے میں قائم کی گئی ہے، جس کا مقصد یہ ہے کہ وہ مسلم نوجوان جو بے روزگار ہیں ہے وہ اس طرح سے روزگار حاصل کرسکے۔
