منتازع مکان کی انہدامی کارروائی ملتوی

ریاست مدھیہ پردیش کے صنعتی شہر اندور کے گنجی کمپاؤںڈ علاقے میں واقع متنازع خستہ حال مکان کے کرائے دار نے ہائی کورٹ میں عرضی دائر کی ہے۔

اس عرضی کے دائر کرنے کے بعد اندور میونسپل کارپوریشن نے خستہ حال مکان کو منہدم کرنے کی کارروائی ملتوی کر دی ہے۔

اس کیس کی پیروی ایڈوکیٹ پشیہ متر بھارگو کر رہے ہیں جو آکاش وجے ورگیہ کے بھی وکیل ہیں۔

واضح رہے کہ گنجی کمپاؤنڈ کے مکان نمبر 52 ۔ 53 کو خستہ حال قرار دیتے ہوئے میونسپل کارپوریشن کی ٹیم 26 جون کو یہ مکان منہدم کرنے پہنچی تھی جس کی وجہ سے بی جے پی کے سینیئر رہنما کیلاش وجے ورگیہ کے بیٹے اور رکن اسمبلی آکاش وجے ورگیہ نے میونسپل افسر کی بلے سے پٹائی کر دی تھی۔