چھتیس گڑھ: کورونا کا ایک اور مریض صحتیاب

ریاست چھتیس گڑھ میں ایک اور کرونا مثبت مریض کے صحتایب ہونے کی اطلاع ہے، مریض رائے پور کے ایمس میں زیر علاج تھا جسے فارغ کردیا گیا ہے۔

موصولہ اطلاعات کے مطابق مریض کی دو رپورٹ منفی آنے کے بعد اسے اسپتال سے چھٹی دے دی گئی، مریض کوربہ کا رہائشی ہے۔

ریاست میں اب تک مجموعی طور پر 36 کورونا مثبت مریض پائے گئے ہیں، ان میں سے اب صرف 10 ہی فعال کیس ہیں۔

آپ کو بتا دیں کہ رائے پور میں قائم 'ایمس' کی ملک وبیرون ملک تعریف کی جارہی ہے، یہاں مستقل طور پر مریضوں کا علاج کیا جارہا ہے، یہاں پر کم عمر سے لے کر زیادہ عمر تک تمام مریض صحت مند ہو کر اپنے گھر واپس لوٹ رہے ہیں، جس ریاست کی عوام راحت کی سانس لے رہے ہیں۔