ریاست مدھیہ پردیش کے دارالحکومت بھوپال کے گیس متاثرین کے خدمت گار عبدالجبار کے گھر میں اس وقت خوشی کی لہر دوڑ گئی جب انہیں پدم شری ایوارڈ سے نوازنے کے لیے ہوم منسٹری سے فون آیا۔
یہ بات سنتے ہی عبدالجبار کے بھائی عبدالشمیم اور ان کی اہلیہ سائرا بانو کی آنکھ نم ہو گئی اور اس ایوارڈ کی بات پورے شہر میں پھیلتے ہی شہر کے لوگوں نے عبدالجبار کے گھر اور ان کی تنظیم کے دفتر میں پہنچ کر مبارکباد دینے لگے۔
اس موقع پر عبدالجبار کی اہلیہ سائرا بانو نے کہا کہ یہ اعزاز ان کے جدوجہد کا انعام ہے۔انہوں نے ہمیشہ ہی گیس متاثرین سے لے کر شہر سے جڑے مدعوں پر لڑائی لڑی ہے۔ وہ خود بھی اس زہریلی گیس کا شکار ہوئے لیکن ہار نہیں مانی۔ بیماری کے باوجود بھی ان کی جدوجہد جاری تھی۔ انہوں نے کہا کہ انہیں اصل خوشی تب میلے گی جب عبدالجبار کی لڑائی کے اہم مدعوں پانی، مٹی اور آبی آلودگی سے ہوئے نقصان کا معاوضہ لوگوں کو دیا جائے گا۔
