ریاست بھوپال میں گیس سانحہ کے بعد گیس متاثرین کے انصاف کے لیے جدوجہد کرنے والے سماجی کارکن عبدالجبار کا جمعرات کی شام انتقال ہوگیا۔
انہوں نے چرایو اسپتال میں آخری سانس لی، عبدالجبار کو بعد نماز جمعہ سپرد خاک کیا گیا۔
عبدالجبار کے ذریعہ بنائی گئی غیر سرکاری تنظیم بھوپال گیس پیڑت مہیلا ادھوگ سنگھٹن تقریبا تین دہائیوں سے بھوپال گیس سانحہ کے متاثرین کے مفاد میں کام کر رہی ہے، عبدالجبار اس تنظیم کے کنوینر تھے ۔
واضح رہے کہ گزشتہ روز ریاست کے وزیر اعلی کمل ناتھ نے ٹویٹ کر کے کہا تھا کی عبدالجبار کی بیماری کا سارا خرچ حکومت برداشت کرے گی لیکن اس سے پہلے ہی عبدالجبار انتقال کر گئے۔
عبدالجبار گزشتہ 35 برسوں سے گیس متاثرین کی خدمت کر رہے تھے، عبدالجبار نے گیس متاثرین کی لڑائی ریاست سے لے کر مرکزی حکومت تک لڑی، بھوپال کے سماجی کارکنان کا ماننا ہے کی عبدالجبار کے اس طرح سے چلے جانے سے گیس متاثرین کی لڑائی پر بڑا اثر پڑے گا ان کا بڑا نقصان ہوگا۔
مزید پڑھیں: مولانا سلمان ندوی سے استعفی کا مطالبہ
کیونکہ جب حکومت گیس متاثرین کے ساتھ ناانصافی کر رہی تھی تب عبدالجبار اپنے ساتھیوں کے ساتھ حکومت کے خلاف مورچہ کھولتے رہے ۔
