ریاست مدھیہ پردیش میں کورونا سے متاثرہ مریضوں کی تعداد میں مسلسل اضافہ ہورہا ہے۔
ضلع بڑوانی میں آج دو کورونا مثبت مریض کی تصدیق ہونے کے ساتھ ہی بڑوانی میں متاثرہ افراد کی مجموعی تعداد 14 ہوگئی ہے۔
واضح رہے کہ تحصیل سیندھوا کے ایک ہی خاندان کے کل 13 افراد کو کورونا سے متاثر پایا گیا تھا اور یہ دو نئے کیسز بھی اسی خاندان کے رکن ہیں۔
کورونا متاثرہ 14 مریضوں میں ایک محکمہ صحت کا بھی کارکن شامل ہے۔ جس کی وجہ سے محکمہ صحت میں بھی افراتفری کا ماحول ہے۔
کلیکٹرامت تومر نے کہا کہ انتظامیہ کورونا کے انفیکشن کو روکنے کے لیے مکمل طور پر تیار ہے۔متاثرہ علاقوں کو مکلمل طور سے بند کر دیا گیا ہے۔
اب تک 124 افراد کے نمونے لیے جا چکے ہیں جس میں 14 لوگوں کے مثبت اور 68 کی منفی رپورٹ آئی ہے۔ مزید رپورٹ کا ابھی انتظار کیا جارہا ہے۔
