جب ملک کے متعدد مقامات سے کورونا وائرس کے خلاف لڑنے والوں کے ساتھ حملہ اور بدسلوکی کی اطلاعات آرہی، وہیں ریاست راجستھان کے شہر بھیلواڑہ جو کورونا کی لڑائی کا رول ماڈل ہے وہاں کے لوگوں نے نے ملک کے سامنے مثال پیش کی ہے۔
لاک ڈاؤن کے سبب پولیس کے فلیگ مارچ کے دوران ضلع کے لوگ مختلف مقامات سے پولیس اہلکاروں پر پھولوں کی بارش کی۔
جیسے ہی علاقے کی سڑکوں پر گشت کرنا شروع کیا مسلم برادری کے افراد اپنی چھتوں اور مکانوں کے باہر کھڑے ہوکر ان پر گلاب کے پھولوں کی برسات کرکے انکو سلامی پیش کی۔
پھولوں کی بارش کرنے والے لوگوں کا کہنا ہے کہ کورونا وائرس سے ہماری زندگیوں کی حفاظت کے لیے سڑکوں پر گھوم رہے ہیں۔ ایسی صورتحال میں ہم ان کی خدمت کو سلام پیش کرتے ہیں۔ اس کے ساتھ ہی لوگوں نے علاقے میں صفائی کرنے والوں پر بھی پھول نچھاور کئے۔
لاک ڈاؤن کے دوران ڈیری بوتھ اور میڈیکل اسٹور بند ہیں۔ انتظامیہ مکینوں کی مدد کے لیے پوری طرح تیار ہے۔ کورونا واریئرز شہریوں کو گھر گھر دودھ اور ادویات کی فراہمی میں مصروف ہیں۔ اسی کے ساتھ ہی لوگ صفائی کرنے والوں والوں اور گشت کرنے والے پولیس اہلکاروں پر پھول برسا کر ان کو سلامی بھی پیش کررہے ہیں۔ بھیلواڑہ کے باشندوں کی ہی وجہ سے ضلع کورونا کے خلاف مضبوطی سے کھڑا ہے۔
