پولیس ذرائع نے منگل کو یہاں بتایا کہ کجریلی بازار باشندہ کیرانہ تاجر دویندر مودی (25) بھاگلپور میں سامانوں کی خریداری کر کے پیر کی رات آٹو رکشہ سے واپس اپنے گھر لوٹ رہے تھے، تبھی سردار پور گاﺅں کے نزدیک ڈرائیور کے توازن کھو دینے سے آٹو رکشہ پلٹ گئی۔ اس حادثہ میں تاجر سمیت تین لوگ زخمی ہوگئے ۔ واقعہ کے بعد ڈرائیور گاڑی چھوڑ کر فرار ہو گیا۔
ذرائع نے بتایا کہ زخمیوں کو کجریلی کے پرائیوٹ ہسپتال میں داخل کرایا گیا ہے ۔ جہاں علاج کے دوران دویندر مودی کی موت ہو گئی۔ واقعہ کی اطلاع ملنے کے بعد موقع پر پہنچی پولیس نے لاش پوسٹ مارٹم کیلئے جواہر لال نہرو میڈیکل کالج اسپتال ( جے ایل این ایم سی ایچ ) بھیج دی ہے ۔
