ملک کے متعدد علاقوں میں بھاری بارش کی وجہ سےجہاں لوگوں کو کافی پریشانیوں کا سامنا کرنا پڑرہا ہے وہیں ریاست بہار کے بھاگلپور اور اس سے متصل جھارکھنڈ کے گڈا کے زیادہ تر علاقوں میں لوگ پانی کے لیے ترس رہے ہیں جس کی وجہ سے کسان برادری کو مایوسی کا شکار ہونا پرتا ہے۔
دھان کی فصل کا موسم ہونے کی وجہ سے کسانوں کو کافی زیادہ پانی کی ضرورت پڑتی ہے جس کے لیے ان کو بارش پر منحصر ہونا پڑتا ہے چونکہ انکے یہاں سینچائی کی سہولت اس مقدار میں نہیں کہ وہ بنا بارش کے ہی اپنی فصل کو تیار کرسکیں۔
بارش نہ ہونے کی وجہ سے وہان کے ندی نالے سب خشک ہیں اور سینچائی کا کوئی نظم نہ ہونے کی وجہ سے کسانوں کے سر پر قحط سالی کا خطرہ منڈلا رہا رہا ہے۔
واضح رہے کہ بہار کے بھاگلپور، بانکا اور اس سے متصل ضلع گڈا کے کسانوں کی اصل فصل دھان کی ہوتی ہے، دھان کی بدولت ہی کسانوں کی حالت بہتر ہوتی ہے ۔
مذکورہ علاقے کے زیادہ تر کسان دھان کی کھیتی کے لیے بارش کے پانی پر منحصر ہوتے ہیں اگر بارش نے ساتھ دیا تو دھان کی فصل ہوگی ورنہ زیادہ تر علاقوں کے کسانوں کے پاس سینچائی کی کوئی سہولت نہیں ہوتی ہے۔
