کورونا کے تعلق سے لوگوں کے تئیں بیداری کی کمی اور لاپرواہی کی وجہ سے سڑکوں، محلوں اور سبزی منڈیوں میں سماجی دوری کا کم ہی خیال پوری طرح سے نہیں رکھا جارہا ہے۔ حالانکہ بھاگلپور کے ضلع مجسٹریٹ پرنو کمار نے سخت ہدایت دی ہےکہ سبزی منڈیوں میں کسی بھی صورت میں بھیڑ نہ لگے اس کا بھی انتظام کیا جائے۔
ضلع مجسٹریٹ نے سبھی افسران کو بھی ہدایت دی ہے کہ وہ اپنے دفاتر میں سماجی دوری کا خیال رکھیں۔ ضلع مجسٹریٹ کے مطابق پورے بھاگلپور ضلع کے 29 پنچائتوں میں کورنٹائن مراکز بنائے گئے ہیں جن میں باہر سے آنے والے لوگوں کو قرنطیہ میں رکھا گیا ہے لیکن جس کی میعاد پوری ہوتی جا رہی ہے ان کی چھوٹی کی جارہی ہے۔ اس طرح اب بھاگلپور ضلع میں قرنطیہ میں رکھےگئے لوگوں کی تعداد انتہائی کم ہوگئی ہے اور بھاگلپور کے جواہر لال میڈیکل کالج و ہسپتال میں ایک بھی کورونا پازیٹیو مریض نہیں ہے۔
بھاگلپور ضلع انتظامیہ کے لیے سب سے بڑی راحت کی بات یہ ہے کہ یہاں ایک درجن سے زائد کورونا پازیٹیو مریض بھرتی ہوئے تھے اور سبھی صحت یاب ہوکر اپنے گھروں کو لوٹ چکے ہیں۔ کسی بھی مریض کی موت واقع نہیں ہوئی ہے۔ پھر بھی ضلع انتظامیہ پوری مستعدی برت رہی ہے لیکن کورونا کو ہرانا ہے تو اس میں عوام کو بھی ساتھ نبھانے کی ضرورت ہے۔'
