کرناٹک یونین آف ورکنگ جرنلسٹ ایسوسی ایشن کے صدر آندودھر نے بتایا کہ یادگیر میں کووڈ وبا سے مرنے والے 3 صحافیوں کے خاندان کو ریاستی حکومت کی جانب سے فی کس پانچ لاکھ روپے کی امداد دی گئی ہے۔
یونین کی جانب سے ضلع یادگیر میں کووڈ سے مرنے والے تین صحافیوں کے ارکان خاندان کو امداد فراہم کرنے کے لیے کرناٹک حکومت سے نمائندگی کی گئی تھی تاہم حکومت کی جانب سے ان تین صحافیوں کو فی کس پانچ لاکھ روپئے کی امداد جاری کی گئی۔ اس کے علاوہ شہر یادگیر کے تین صحافیوں کو طبی امداد کے طور پر محکمۂ بلدیہ کی جانب سے ڈیڑھ لاکھ تا 50 ہزار روپئے تک دلانے میں بھی یونین نے کامیاب نمائندگی کی تھی۔
- یہ بھی پڑھیں: یادگیر ڈسٹرکٹ وقف بورڈ کی ائمہ و مؤذنین سے اپیل
اس موقع پر آندودھر نے وزیراعلیٰ بسواراج بومائی اور ضلع انتظامیہ کے چیئرمین و کمشنر محکمۂ بلدیہ کا شکریہ ادا کیا۔ انہوں نے کہا کہ کرناٹک یونین آف ورکنگ جرنلسٹ ایسوسی ایشن کی جانب سے ضلع کے ہر تعلقہ میں ایک پریس کلب بنانے کا ضلع انتظامیہ سے مطالبہ کیا گیا ہے۔ سرپور اور شاہپور میں پریس کلب بنانے کی پہل کی جارہی ہے تاہم انہوں نے کہا کہ ضلع یادگیر کے صحافیوں کے لیے پلاٹ دینے کے لیے بھی ضلعی انتظامیہ سے درخواست کی گئی۔
