بنگلور: فرقہ پرست طاقتوں کے پروپیگنڈہ کے خلاف مہم چلانے کا اعلان

کسی بھی جھوٹے پروپیگنڈہ کو ڈیٹا اور حقیقی اسٹیٹسٹکس سے ختم کیا جاسکتا ہے نہ کہ باتوں یا جذبات سے۔ ملک میں مسلمانوں کی آبادی فرقہ پرست طاقتیں منظم طور پر مختلف طریقوں سے جھوٹا پروپیگنڈہ چلارہی ہیں جسے بے نقاب کرنے کے لئے سابق چیف الیکشن کمشنر ڈاکٹر ایس وائی قریشی نے ایک تصنیف مرتب کی ہے۔ ڈاکٹر قریشی کی تصنیف "دا پاپیولیشن میتھ" سے متعلق مختلف سیاستدانوں و اہم شخصیات نے اپنے تاثرات کا اظہار کیا ہے۔

سابق چیف الیکشن کمشنر ڈاکٹر قریشی کی تصنیف "دا پاپیولیشن میتھ" کے متعلق "سیو کانسٹیٹیوشن کمیٹی" اور اہم شخصیات کا کہنا ہے کہ فرقہ پرست طاقتیں اپنے سیاسی مفاد کے لئے مختلف ایجنڈوں کے ذریعے، جن میں مسلم آبادی بھی ایک ہے، مسلم سماج کے خلاف ملک میں نفرت کا زہر گھول کر خوف و ہراس کا ماحول پیدا کر رہی ہیں، لہذا عوام اس سے چوکنا رہے۔

اس سلسلے میں مسلم لیڈران کہتے ہیں کہ مسلمانوں کو اپنے ووٹر آئی ڈی و اس کے اندراج کے متعلق ہوشیار رہنے اور اسے عام کرنے کی ضرورت ہے۔

اس تعلق سے سیو کانسٹیٹیوشن کمیٹی کے عہدیداروں نے عہد لہا ہے کہ وہ اہسے جھوٹے پروپیگنڈوں کو بے نقاب کرنے کے لیے ریاست گیر بیداری مہم چلائے گی۔