بنگلور: اسی معاملے کے تعلق سے شہر بنگلور میں صدائے اتحاد کے بینر تلے سنی، شیعہ، دیوبندی و تبلیغی جماعت، جماعت اسلامی، جمعیت اہل حدیث، مہداویہ جماعت و بوہرا جماعت کے رہنماؤں کا ایک خصوصی اجلاس منعقد کیا گیا، جس میں وسیم رضوی کے قرآن مخالف اقدام کو ایک یہودی سازش قرار دیا گیا جسے ملک کی کسی بڑی فرقہ پرست تنظیم کے ساتھ ملکر انجام دیا جا رہا ہے۔
نامہ نگاروں سے بات کرتے ہوئے صدائے اتحاد کے ذمہ داران نے بتایا کہ اس اجلاس میں یہ متفقہ طور پر فیصلہ لیا گیا، جس میں یہ طے پایا کہ توہین قرآن کے مرتکب کو کورٹ میں گھسیٹا جائے اور اسے سبق آموز سزا دلوائی جاسکے۔
یاد رہے کہ صدائے اتحاد ایسی تنظیم ہے جس میں تمامی مذاہب و مکاتب فکر کے علما و دانشور ہیں اور ملت اسلامیہ میں اتحاد کو قائم رکھنے و دیگر ادیان کے ساتھ اخوت و محبت بانٹنے و فرقہ وارانہ ہم آہنگی کو فروغ دینے کا کام کرتی ہے۔
