اس سائنس نمائش میلے میں اسکولی طلبا و طالبات نے الکٹرانک آلات سمیت دیگر اشیاء خود تیار کیے اور انکے فائدے و نقصانات کے تعلق سے معلومات بھی فراہم کرائی'۔
نمائش میں حصہ لینے والے طلباو طالبات نے اس کم عمری میں جس طرح کے تخلیقی آلات تیار کیے ہیں وہ حیران کن بھی ہے اور خوش کن بھی۔
بتادیں کہ مناہل انگلش اسکول کے چیئرمین نواب جان تقریباً 27 برسوں سے مختلف مذاہب کے غریب طلبا کو عمدہ تعلیم و تربیت کا انتظام کرتے آ رہے ہیں۔
اسکول کے ڈائریکٹر سلیم پاشاہ نے بتایا کہ طلباء میں کئی ہنر و خوبیاں پوشیدہ ہوتی ہیں اور اس قسم کے سائنس نمائشوں کا انعقاد ان کی صلاحیتوں کو ابھارتا ہے۔ اسکول میں سائنس مضمون کے کئی تجربے کا اہتمام کیا جاتا ہے جہاں طلباء نہ صرف ان سے سیکھتے ہیں بلکہ اس سے استفادہ بھی کرتے ہیں۔
نامہ نگاروں سے بات کرتے ہوئے اسکول کے چئیرمین نواب جان نے بتایا کہ بلا تفریق و مذہب ہم پسماندہ طبقات سے تعلق رکھنے والے کئی بچوں کو یہاں عمدہ تعلیم فراہم کرنے کی سعادت حاصل کررہے ہیں'۔
انہوں نے خوشی کا اظہار کرتے ہوئے کہا کہ بچوں نے آرٹس و سائنس کے مختلف نمونے تیار کیے ہیں جو نہایت ہی خوشنما ہیں اور اس سے والدین بھی خوش ہیں'۔
اسکول کی پرنسپل نے بتایا کہ ایسی نمائش میں بچوں کی صلاحیتوں کو ابھارتے ہیں۔ انہوں نے بتایا کہ اس اسکول سے کامیاب کئی طلباء اعلیٰ تعلیم حاصل کر مختلف عہدوں پر فائز ہیں۔
