حضرت علامہ مولانا محمد انوار اللہ فاروقی کے 150ویں عرس شریف کے موقع پر گلبرگہ شہر میں سنی امام اسوسی ایشن کے زیر اہتمام یہاں کے کلکتہ فنکشن ہال میں بعنوان جلسہ جشن شیخ الاسلام منایا گیا۔
اس موقع پر مذہبی سماجی، تعلیمی اور صحافتی میدان میں خدمات انجام دینے والے خدمات گزاروں کو تہنیت پیش کرتے ہوئے ایوارڈ سے نوازا گیا۔
اس موقع پر شیخ شاہ محمد افضل الدین جنیدی جانشین سجادہ شیخ دکن کہا کہ حضرت محمد انوار اللہ فاروقی بانی جامعہ نظامیہ نے مذہبی تعلیمی میدان میں کئی خدمات انجام دیئے ہیں۔ آج علماء کو حضرت کی تعلیمات عام کرنے کی ضرورت ہے۔ آج کے اس اجلاس میں تمام اضلاع کے سنی علماء کو ایک ہوکر کام کرنے کی ضرورت پر زور دیا گیا۔
اس سنی امام اسوسی ایشن کا مقصد عقائد اہل سنت وجماعت کے فروغ اور ائمہ وموذنین کے درپیش مسائل کو سنجیدگی سے حل کرنے، اسوسی ایشن کے تحت ویلفیئر کاموں کا انعقاد کرنا، فلاحی کاموں میں حصہ لینا اور مستحق ائمہ وموذنین کا مالی تعاون کرنا، اسکول میں اسلامک تربیتی پروگرام کا انعقاد کرنا، مساجد ومدارس میں اسوسی ایشن کے ذریعے ائمہ و اساتذہ کا تقرر کرنا، نوجوانوں کو دینی تعلیم سے واقف کرانا اور مساجد، مدارس کے تحفظ کے لئے کام کرنا اور اولیا کرام کے پیغام وتعلیمات کو عوام تک پہنچانا ہے۔ ساتھ ہی اس موقع پر تمام علماء کو اس تنظیم میں جوڑنے کی گزارش کی گئی۔
