ایس ڈی پی آئی کارکنوں نے پارٹی دفتر کے سامنے پلے کارڈ کے ساتھ احتجاجی مظاہرہ کیا جبکہ پلی کارڈ پر مختلف نعرے درج تھے جس میں حکومت سے کورونا مریضوں کی مدد کرنے کا مطالبہ کیا گیا۔
اس موقع پر ایس ڈی پی آئی کے سابق صدر محمد محسین نے کہاکہ مرکزی و ریاستی حکومت کورونا وبا سے نمٹنے میں پوری طرح ناکام ہوئی ہیں۔ انہوں نے کہا کہ ریاست میں نافذ لاک ڈاون کی وجہ سے غریب عوام کو کافی مشکلات پیش آرہی ہیں۔
انہوں نے حکومت سے مطالبہ کیا کہ وہ پریشان حال غریبوں کےلیے مالی امداد کا اعلان کرے۔ انہوں نے سرکاری و نجی اسپتالوں میں کورونا کا مفت علاج کرنے کا بھی مطالبہ کیا۔ انہوں نے اسپتالوں میں آکسیجن اور بیڈز کی قلت پر تشویش کا اظہار کیا اور کورونا سے مرنے والوں کے افراد خاندان کی مالی مدد کرنے پر بھی زور دیا۔
