بنگلور: انسداد گئوکشی قانون کی منسوخی کا مطالبہ

سوشل ڈیموکریٹک پارٹی آف انڈیا نے انسداد گئوکشی قانون کی منسوخی کے مطالبے کے متلعق ایک میمورنڈم گورنر کو پیش کیا ہے۔

بھارتیہ جنتا پارٹی کی جانب سے قانون ساز کونسل میں انسداد گئوکشی قانون کو وائس ووٹنگ کے ذریعے پاس کئے جانے کو سوشل ڈیموکریٹک پارٹی آف انڈیا نے غیر جمہوری و غیر آئینی قرار دیا ہے۔

یاد رہے کہ بھارتیہ جنتا پارٹی نے اپنی اکثریت کے بنا پر اسمبلی میں متعلقہ تجویز کو منظور کرا لیا تھا اور کونسل میں ناکام رہی تھی، لہذا گورنر کی منظوری کے ساتھ اسے آرڈیننس کے ذریعے قانون کی شکل دی گئی تھی۔

گزشتہ دنوں کونسل میں بی جے پی ارکان کے اقلیت میں ہونے کے باوجود بھی حکومت نے اسے منظور کرا لیا۔

واضح رہے کہ کرناٹک قانون ساز کونسل کی کل تعداد 75 ہے، جس میں بی جے پی کے 31 ارکان اور 1 ازاد ممبر کی حمایت، کانگریس کے 29 ارکان اور جے ڈی ایس کے 13 ارکان جبکہ ایک جگہ خالی ہے۔ اپوزیشن کے مقابلے میں بی جے پی کے ارکان کی کم تعداد کے باوجود حکومت نے انسداد گوکشی بل کو ایوان میں منظور کرا لیا۔

اس سلسلے میں ایس ڈی پی آئی کے ایک وفد نے گورنر وجوبھائی والا کو ایک میمورنڈم پیش کر انسداد گوکشی قانون کو منسوخ کرنے کا مطالبہ کیا۔