اقلیتی افسر کے خلاف آر ٹی آئی کارکنان کا احتجاج

ریاست کرناٹک کے مشہور شہر گلبرگہ میں آر ٹی آئی کارکنان نے ضلع کے اقلیتی افسر کے خلاف احتجاج کرتے ہوئے کارروائی کا مطالبہ کیا۔

آر ٹی آئی کارکنان نے ضلع کمشنر آفس کے سامنے اقلیتی افسر محبوب پاشا کے اختجاج کیا۔ انہوں نے محبوب پاشا پر بدعنوانی کے الزامات بھی عائد کیے۔

اس موقع پر آر ٹی آئی کارکن ششی کمار ملکا ارجن نے کہا کہ' ضلع اقلیتی افسر محبوب پاشا کے خلاف بدعنوانی کے متعدد مقدمات درج ہیں، اس کے باوجود بی ایس یدیورپا کی حکومت انہیں گلبرگہ میں اقلیتی افسر اور بی ایس ایم علاقے کا افسر مامور کردیا ہے۔ انہوں نے حکومت کے فیصلے پر سوال کھڑا کرتے ہوئے کہا کہ' حکومت رشوت خور افسر کو عہدے سے نواز رہی ہے جس کی ہم مخالفت کر رہے ہیں'۔ انہوں نے محبوب پاشا پر غریب بچیوں کی شادی کے لیے شروع کی گئی اسکیم 'بھاگیہ' اسکیم اور شادی محلوں کی تعمیر میں بھی بدعنوانی کا الزام بھی لگایا'۔

اس موقعے پر مقامی خواتین نے بھی ای ٹی وی بھارت کو اس سلسلے میں بتایا۔ ایک خاتون نے کہا کہ' انہوں نے اپنی بیٹی کی شادی کے لیے دو برس قبل بھاگیہ اسکیم کے لیے عرضی داخل کی تھی، لیکن دو برس گزر گئے انہیں کسی قسم کی مالی امداد نہیں ملی'۔

انہوں نے کہا کہ ' یہاں پر جو رشوت دیتا ہے انہیں اسکیم جاری کی جاتی ہے، یہاں کے اقلیتی افسر رشوت لے کر کام کر رہے ہیں'۔

آر ٹی آئی کارکنان نے اقلیتی افسر کے خلاف کارروائی کا مطالبہ کرتے ہوئے ریاستی حکومت کو میمورنڈم پیش کیا۔