بنگلور میں شہریت ترمیمی بل کے خلاف احتجاج

شہریت ترمیمی بل(سی اے بی) کے خلاف ملک کے ہر کونے میں غم و غصے کا اظہار کیا جارہا ہے اور اسے غیر دستوری بتایا جارہا ہے۔ صدرجمہوریہ کی مہر کے بعد اب یہ بل قانونی شکل اختیار کرچکا ہے۔

اس سلسلے میں سوشیل ڈیموکریٹک پارٹی آف انڈیا جمعہ کے دن بعد نماز جمعہ شہر بنگلور کے کُل20 سے زائد مختلف اہم مقامات پر سی۔ اے۔بی کے خلاف بڑے پیمانے پر احتجاج کرنے کا فیصلہ کیا ہے۔

اس ضمن میں مذکورہ پارٹی کےصدر محمد شریف نے ای ٹی وی بھارت کو بتایا کہ وہ شہریت ترمیمی بل کی سخت مخالفت کرتے ہیں اور اس کا ہر اعتبار سے بائیکاٹ کریں گے۔ انہوں نے کہا وہ اس کے خلاف ملک گیر سطح پر احتجاج کرنے جارہے ہیں، شہر بنگلور کے کُل 20 سے زائد اہم مقامات پر احتجاجی مظاہرہ کریں گے۔

مذکورہ پارٹی کے صدر نے کہا کہ بی جے پی حکومت اس بل کو ایک سازش کے طور پر لائی ہے، یہ بل فرقہ وارایت پر مبنی ہے اور اس بل کے ذریعہ مسلمانوں کو نشانہ بنایا جارہا ہے۔